មកពីផឹក ខឹងប្រពន្ធបបួលទៅលែងលះ យកសាំង ២០លីត្រដុតផ្ទះ ឆេះខ្ទេច
26-April-2016 | ដោយ មែន កំសត់
កណ្តាល ៖ បុរសម្នាក់ផឹកស្រា ស្រវឹងរករឿងប្រពន្ធ ហើយពេលនោះ ប្រពន្ធបបួលទៅសាលាឃុំ ដើម្បីសុំលែងលះគ្នា ធ្វើឲ្យបុរសជាប្តីខឹងតូង យកសាំង ២០លីត្រ ចាក់ដុតផ្ទះឆេះម៉ដ្ឋ កាលពីវេលាម៉ោង ១និង២០ នាទី ថ្ងៃទី២៥ ខែមេសា ឆ្នាំ២០១៦នៅចំណុច ភូមិកណ្តាល ឃុំបន្ទាយដែក ស្រុកកៀនស្វាយ ខេត្តកណ្តាលហើយក្រោយពេល ធ្វើសកម្មភាពរួច បុរសចិត្តភ្លើង បានរត់គេចខ្លួន បាត់ស្រមោល តែម្តង។
ជនរងគ្រោះឈ្មោះ សយ យ៉ារិទ្ធ អាយុ ២៤ឆ្នាំ រស់នៅភូមិ ឃុំកើតហេតុ ខាងលើ មុខរបរ កសិករ ជាប្រពន្ធ ជនសង្ស័យឈ្មោះ កង ខែត ត្រូវជាប្តី អាយុ ២៦ឆ្នាំ មានទីលំនៅ ភូមិឃុំកើតហេតុ ខាងលើ មុខរបរកសិករ រត់គេចខ្លួន។ សម្ភារៈខូចខាត ឆេះផ្ទះ ១ខ្នង ទទឹង ៥ម៉ែត្រ បណ្តោយ ៦ម៉ែត្រ ធ្វើអំពីឈើ ប្រក់សង្ក័សី ជញ្ជាំងសង្ក័សី ក្រាលក្តារ និងសម្ភារៈប្រើប្រាស់ ក្នុងផ្ទះអស់ទាំងស្រុង។
នៅមុនពេលកើតហេតុ ជនសង្ស័យ ផឹកស្រាស្រវឹង រករឿងប្រពន្ធ ពេលនោះប្រពន្ធ ក៏និយាយទៅប្តីថា បើរករឿងខ្ញុំចឹង ទៅសាលាឃុំ លែងលះគ្នាទៅ ស្រាប់តែប្តីឮដូចនេះ ក៏បានទៅប្រាប់ម្តាយក្មេកថា ប្រពន្ធខ្ញុំចង់លែងខ្ញុំ ឮដូចនេះម្តាយក្មេក ក៏និយាយទៅវិញថា វានិយាយលេងទេ។ ពេលនោះបុរសរូបនោះ ក៏បានដើរទៅផ្ទះខ្លួនវិញ ដោយដៃមានកាន់ពូថៅ និង ប៊ីដុងសាំង ប្រហែល ២០លីត្រ រួចក៏ចាក់សាំងក្រោមផ្ទះ យកដែកកេះ កេះដុតផ្ទះខ្លួនឯង បណ្តាលឲ្យឆេះអស់តែម្តង រួចរត់គេចខ្លួនបាត់៕
ចំនួនអ្នកទស្សនា
- ថ្ងៃនេះ881
- ម្សិលមិញ20231
- សប្តាហ៍នេះ79961
- ខែនេះ101841
- ឆ្នាំនេះ101841
- សរុប20544297